බීමත්ව රිය පදවා නිවසකට අලාභහානි කල රංගේ බණ්ඩාරගේ පුත් අද අළුයම අත් අඩංගුවට

rn

රාජ්‍ය අමාත්‍ය පාලිත රංගෙ බණ්ඩාරගේ පුත් යශෝධ රංගේ බණ්ඩාර අද (08) අළුයම අත්අඩංගුවට ගෙන තිබෙනවා.

බීමත්ව රිය පදවා අනතුරක් සිදු කිරීම සම්බන්ධයෙන් චෝදනා එල්ල වූ ඔහු අත්අඩංගුවට ගෙන ඇත්තේ ශ්‍රී ජයවර්ධනපුර රෝහලේදීයි. රිය අනතුරෙන් තුවාල ලැබූ ඔහු හලාවත රෝහලට ඇතුළත් කෙරුණු අතර පසුව කොළඹ ජාතික රෝහලට මාරු කෙරුණා.

පසුව ඔහු සිය කැමැත්තෙන් රෝහලෙන් පිටව ගොස් තිබූ අතර ඒ වනවිටත් රාජ්‍ය අමාත්‍ය රංගේ බණ්ඩාරගේ පුත‍්‍රයා අත්අඩංගුවට ගෙන තිබුණේ නැහැ. මෙම අනතුර සිදුව තිබුණේ ආරච්චිකට්ටුව පොලිස් වසමේ කෝට්ටපිටිය හංදියේදීයි. රිය අනතුර සිදුවන අවස්ථාවේ ඔහු සතුව තිබූ කඩුවක්ද පොලිස් භාරයට ගෙන තිබෙනවා.

රාජ්‍ය අමාත්‍ය පාලිත රංගෙ බණ්ඩාරගේ පුත‍්‍රයා මෙලෙස පදවා ඇත්තේ අමාත්‍යංශයකට අයත් කැබ් රථයක්.

එහි වේගය පාලනය කරගත නොහැකි වීමෙන් කැබ් රථය මාර්ගයෙන් ඉවතට ධාවනය වී අසල පිහිටි නිවසක ගැටී මෙම අනතුර සිදුව තිබුණා.

Leave a Reply

Your email address will not be published. Required fields are marked *